Enrique Olvera

Mexikoko sukaldari goraipatuena da, duen talentuari eta karismari esker. Pujol jatetxearekin munduaren arreta bereganatu zuen, Mexikoko tradizio gastronomiko errotua ikuspegi garaikide, sentibera eta egiazko batetik eraldatzeagatik. Gaur egun zazpi jatetxe ditu –New Yorkeko Cosme jatetxea barne–, eta denetan sustatzen du tokiko produktuen erabilera. Sukaldaritza xumearen aldekoa denez, ihes egiten die plater handinahi eta gainkargatuei. Kultura eta ekologia haren narratibaren parte dira: tokiko espezie ia desagertuak erabiliz, abangoardiako metodoak teknika prehispanikoekin uztartzetik hasita, produktu jasangarriak eta kalitate gorenekoak erabiltzeko konpromisoraino. Olvera ere transgenikoen laborantzaren aurkako borrokan aritu da, eta Mexikoko haurren dieta hobetzeko heziketa-programetan parte hartu du, Mexiko baita munduan obesitate-indize handienak dituen herrialdeetako bat.