Joan Roca

Gironako Celler de Can Roca jatetxeko sukaldaria da. Jatetxe hori 2013ko eta 2015eko munduko jatetxe onena izendatu zuten The World’s 50 Best Restaurants zerrendan. Josep eta Jordi anaiekin batera lan egiten du, eta hiru Michelin izar eman dizkiote. Roca Nazio Batuen Garapen Programako (NBGP) Borondate Oneko enbaxadore da, elikadura-sistema jasangarriak eta sozialki bidezkoak sustatzeko, ingurumena errespetatzen duten nekazaritza-tekniken garapena bultzatzearekin batera. Tokiko produktuen, ikerketaren eta, batez ere, berrikuntza premisa gisa hartzearen zale, Roca «gastro botanika» eta halako proiektuetan aitzindari da, eta bere herrialdeko elikaduran eta kulturan espezie basak berriz sartzeko asmoa du.