Artxiboak: Jurado y Comité Técnico

This is the example custom post type

Narda Lepes

Narda sukaldaria, komunikatzailea eta ekintzailea da. Duela 20 urte, El Gourmet kanalean egin zuen debuta, eta hura telebistako eta irratiko karrera arrakastatsuaren hasiera izan zen. Zenbait libururen egile da: Comer y pasarla bien, Ñam ñam. Manual para alimentar a un pequeño omnívoro eta 201 tips para no comer como el or**. 2017an bere jatetxea inauguratu zuen, Narda Comedor, eta, 2020an, Latin America’s 50 Best rankingean sartu zen. Zenbait elkarte eta proiekturen sorreran partaidetza integrala izan zuen, hala nola A.C.E.L.G.A., M.I.G.A. eta Masticar azokan; haietan guztietan, elikadura-ohiturak aldatzea sustatzen du, eta, horretarako, produktu begetalak lehen planoan jartzea. Gainera, Lurreko Langileen Elkartearekin (UTT) dihardu lanean, bitartekaririk gabeko produktuen salmenta sustatzeko.
2020ko azaroan, The World’s 50 Best izeneko ranking ezagunak Latinoamerikako Emakumezko Chef Onena izendatu zuen.

Elena Reygadas

Elena Reygadas Mexikoko gastronomiako irudi garrantzitsuenetako bat da. Jatetxe eta okindegi ezagun batzuen talde bateko chefa eta jabea da: Rosetta, la Panadería de Rosetta, Lardo eta Café Nin. Elena Reygadas sukaldaria Mexikoko tokiko produktuaren eta elikadura osasungarriarekin eta jasangarriarekin lotura duten gizarte-kausen defentsarekin konprometituta dago. 2019an, bere lehen liburua argitaratu zuen, ‘Rosetta’, Sexto Piso argitaletxeak argitaratua. Sari ugari jaso ditu, hala nola Latin America’s Best Female Chef (2014).

Josh Niland

Sydneyko (Australia) Josh Niland chefak arraina prestatzen, garraiatzen, ontzen eta biltegiratzen dugun modua eraldatu du. Arraina osorik, hondakinik gabe, prestatzeko ikuspegi etiko, jasangarri eta iraultzailea dauka, eta horri esker, aintzat hartu da mundu osoan. Chefak sari ugari irabazi ditu, hainbat jatetxe ditu eta James Beard sari bat irabazi zuen.

Gaur-gaurkoz, Joshek lau espazio ditu: Saint Peter, Charcoal Fish, Fish Butchery Paddington eta berriki irekitako Fish Butchery Waterloo. Halaber, The Whole Fish Cookbook eta Take One Fish liburuak idatzi ditu.

Pia León

Pía León 50 Best Restaurants Latamen zerrendako buru izan da hiru urtez jarraian, eta munduko hamar jatetxe onenen artean bozkatua izan da, bost urtez jarraian; Central jatetxeko sukaldea zuzendu zuen eta jabekidea izan zen, Virgilio Martínez senarrarekin batera, hamarkada batez, bere kontura Kjolle jatetxearekin dibertsifikatzea erabaki aurretik. Jatetxea Latinoamerikako 50 Best Restaurantsen zerrendan sartu zen,… Read more »

Elena Arzak

Elena Arzak munduan eraginik handiena duten sukaldariburuetako bat da. Juan Mari Arzak euskal sukaldariburu ospetsuaren alaba da, eta jatetxe familiarrean, Arzaken, 3 Michelin izar dituen jatetxean, ikasi zuen lanbidea. Gaur egun, jatetxeko sukaldeburua da. Londresko Halkin hoteleko Ametsa jatetxearen (Michelin izar batekoa) ardura ere badu. Bere lurrari oso atxikia, zaporeekin zein koloreekin esperimentatzea eta berritzea du… Read more »

Ferran Adrià

Sukaldaritzaren historia aldatu zuen betiko, sormenetik eta berrikuntzatik abiatuta, jatunen eta mahai gainekoaren arteko harremana berregituratu baitzuen. Adrià entzunda, berehala etorriko zaigu gogora Kataluniako El Bulli ikonikoa, «deseraikuntza» kontzeptuarekin eskemak apurtu baitzituen. Plateren funtsa mantenduta, Adriàk osagaiak, testurak, formak, tenperatura eta estetika eraldatu zituen. Dozenaka sukaldaritza-teknika –adibidez, esferifikazioa eta apar jangarriak– asmatu zituen, baita esperientzia… Read more »

Emiliana Puyana

San Frantziskoko (Estatu Batuak) La Cocina gizarte-inkubagailuko zuzendari exekutiboa da. Proiektu horrek hamar urtez baino gehiagoz lagundu die baliabide gutxiko pertsonei beren negozioa zabal dezaten (gehienbat, emakume etorkin eta afroamerikarrei). Bost urteko prestakuntza- eta jarraipen-programa baten bidez, La Cocinak 90 mikronegoziori lagundu die, eta horietatik 30ek baino gehiagok lokala zabaldu dute. Sukaldaritza eta janaria dira… Read more »

Tucker Taylor

Taylor ziurtatutako baratze organikoan aditua da, eta Jackson Family Wines-eko Culinary Gardenseko lehen zuzendaria. Sukaldeko taldearekin aritzen da elkarlanean, munduan zehar miatuz labore interesgarrien eta berrien bila. Floridako Unibertsitatean graduatu zen, Nekazaritzan, ingurumen-baratzezaintzaren ikuspuntua baliatuta. Horren ondoren, Oregonera aldatu zen, bere lehen baratze organikoa diseinatu eta kudeatzeko. Geroago, Thomas Keller sukaldariburuarekin elkartu zen The French… Read more »

Lynda Deakin

Bazkide eta zuzendari kudeatzaile den aldetik, Lyndak zuzentzen ditu IDEOren elikadura-sistema globalerako lana eta taldea, diseinuan ardaztutakoak. 20 urtez gorako eskarmentua du, eta bezeroei hazten eta sistemaren arazo zailenei irtenbidea bilatzen laguntzen die, hasi garapen estrategikoko plataformak sortzetik eta 100 milioi dolarreko produktuak diseinatzeraino. Lyndaren hurbilketa enpatikoari eta lidergo karismatikoari esker, bezeroek beren ase gabeko… Read more »

Katina eta Kyle Connaughton

SingleThread-ek jatetxe, baserri eta hotel kontzeptuak uztartzen ditu, eta sukalde tradizionala eskaintzen, sasoiko osagaiekin prestatua, eta Sonomako konderriko ardoak zuzenean eskuratzeko aukerarekin. Kyle eta Katina Connaughton bikotea dago kontzeptu horren atzean. Healdsburgeko (Kalifornia) jatetxe honek hiru Michelin izar jaso zituen 2018an, eta Kyle eta Katina dira jabekideak. Kyle sukaldeko arduraduna da, eta Katina osagai gehienak… Read more »